Washin'gtondiki yighinda étnik ziddiyetlerning biwasite sewebchisi xitayning bésim siyasiti ikenliki körsitildi

Bügün amérikining paytexti washin'gton shehiride “Waqitliq bomba-xitayning yéngi rehberliri yüzliniwatqan étnik krizis” témisida muhakime yighini chaqirildi.
Muxbirimiz irade
2013.01.31
Share on WhatsApp
Share on WhatsApp

Yighin amérikida turushluq “Puqralar küchi” jem'iyiti teripidin uyushturulghan. Yighinda asasliq xitaydiki Uyghur, tibet we mongghul rayonlirida yüz bériwatqan étnik toqunushlar, xitay hökümitining az sanliq milletler üstidin yürgüzüwatqan siyasiti bilen bu étnik ziddiyet arisidiki munasiwetke oxshash mesililer otturigha qoyulghan.

Yighinda sözge teklip qilin'ghanlar arisida amérika Uyghur birleshmisining re'isi alim séyitof, xelq'ara tibet herikiti teshkilati mu'awin bashliqi bachung séring, jenubiy mongghuliye kishilik hoquq uchur merkizi bashliqi én'gébatu togochog we puqralar küchi teshkilati bashliqi yang jyenliler bar. Alim séytof ependi yighinda “Rayondiki étnik ziddiyetlerning biwasite sewebchisi, Uyghurlar duch kéliwatqan bésim siyasitidur” dep körsetken.

Yighin qatnashquchiliri birdek, xitay hökümitining xitay bolmighan milletler üstidin yürgüzüwatqan siyasitining qattiq naraziliq peyda qiliwatqanliqini, étnik ziddiyetlerning xitayda xuddi partlash aldida turghan bir bombigha oxshap qalghanliqini otturigha qoyghan we shi jinping bashchiliqidiki yéngi rehberlerni mesilige sel qarimay siyasitini özgertish heqqide agahlandurghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.