Musulman qérindashlar jemiyitining wekili misir prézidéntliq saylimida ghelibe qildi

Musulman qérindashlar jemiyitining wekili misir prézidéntliq saylimida ghelibe qildi aldinqi heptide ötküzülgen misirdiki prézidéntliq saylimida mubarek dewridiki sabiq bash ministir exmet shafiq bilen musulman qérindashlar jemiyitining wekili muhemmed morsi saylamgha chüshüp, netijide her ikkilisila saylamda ghelibe qilghanliqini élan qilghan idi. Biraq arqidin bu ikki adem üstide ikkinchi qétim saylam ötküzülüp, netijide musulman qérindashlar jemiyitining wekili muhemmed morsining ghelibe qilghanliqi yekshenbe küni resmiy élan qilindi. Roytérsning xewer qilishiche, muhemmed morsi 51%w awazgha érishken bolup, bu munasiwet bilen qahirediki tahrir meydanida daghdughiliq tebriklesh murasimliri ötküzülgen. Muhemmed morsi 60 yashqa kirgen bolup, u amérikida oqughan hemde mubarek dewride türmide yatqan, esli kespi qurulush injénéri idi. Shundaq qilip, misirda hüsni mubarek yiqitilghandin kéyin resmiy türde islamiy guruppa hakimiyetni igilesh dewrige kirdi.