مىسىر ھەربىي دائىرىلىرى يېڭى پرېزىدېنتقا ھوقۇق ئۆتكۈزىدىغانلىقىنى بىلدۈردى

ببچ نىڭ بايان قىلىشىچە، مىسىردا ئېلىپ بېرىلغان پرېزىدېنت سايلىمىنىڭ نەتىجىسى 6‏-ئاينىڭ 17‏-كۈنى ئېلان قىلىندى. مىسىردىكى «مۇسۇلمان قېرىنداشلار جامائىتى» دېگەن تەشكىلاتنىڭ نامزاتى مۇرسيى 52% ئاۋازغا ئېرىشىپ پرېزىدېنتلىققا سايلاندى.
مۇخبىرىمىز ۋەلى
2012-06-18
Share

مىسىر ھەربىي دائىرىلىرى بۈگۈنكى مۇخبىرلار يىغىنىدا، يېڭىدىن سايلانغان مىسىر پرېزىدېنتىغا ھەربىي ھوقۇقنى ئاي ئاخىرىدا ئۆتكۈزۈپ بېرىشكە ۋەدە بەردى. مىسىر ئاساسىي قانۇن سوت مەھكىمىسى، بۇلتۇر ئېلىپ بېرىلغان پارلامېنت سايلىمى ئاساسىي قانۇنغا خىلاپ بولغان، دەپ ھۆكۈم چىقاردى.

خەۋەر ئېيتىلىشىچە، مىسىر ھەربىي كومىتېتى تۈنۈگۈنكى باياناتىدا: ھەربىي كومىتېتنىڭ دۆلەت مەنپەئىتىگە ئۇيغۇن كەلمەيدىغان ھەر قانداق ماددىنى رەت قىلىش ھوقۇقى بار، دەپ جاكارلىغاندا، مۇسۇلمان قېرىنداشلار جامائىتىنىڭ باياناتچىسى كاتاتنىي بۇ باياناتقا قارشى تۇرۇپ: ھەربىي كومىتېتنىڭ بۇ باياناتى ئىناۋەتسىز، دەپ جاكارلىغان ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت