Xitay Uyghur élidin kélip misirda oquwatqan oqughuchilarni mukapatlidi

Misirdiki xitay elchixanisi bundaq pa'aliyetni 2011-yilidin tartip tesis qilghan bolup, hazir téximu köp döletlerge kéngeytildi. Xitay hökümitining mexsus halda Uyghur élidin öz xirajiti bilen chet'ellerde oquwatqan oqughuchilarni mukapatlishi we bu mukapatning meqsiti chet'ellerdiki Uyghurlar arisida küchlük munazire peyda qilghan idi.

Xitaydiki shinju ma'arip torining xewer qilishiche, xitay bash elchi sung eygo mukapat tarqitish murasimida qilghan sözide Uyghur élidin kelgen oqughuchilargha mukapat tarqitishning meqsitini wetenning ghemxorluqini yetküzüsh, dep sherhligen. U shundaqla oqughuchilarni mektep püttürgendin kéyin weten'ge qaytip, weten we yurt üchün xizmet qilishqa chaqirghan.

Bundaq mukapat tarqitish murasimliri ilgiri yaponiye, süriye, türkiye we hetta se'udi erebistandimu ötküzülgen. Uyghur közetküchiler tuyuqsizla otturigha chiqqan bu oqush yardem pulining chet'ellerdiki Uyghur yashlirini kontrol qilishtin ibaret siyasiy meqsette tarqitiliwatqanliqini bildürmekte.