Мисирдики намайишлар давамлашмақта

Мисирдики намайишлар бүгүн 6-күнигә қәдәм қойған болуп, мисир пайтәхти қаһирә шәһәр мәркизидики асаслиқ мәйданлар намайишчилар тәрипидин игиләнгән.
Мухбиримиз үмидвар
2011-01-30
Share

Мисир президенти мубарәк бир қисим юқири дәриҗилик һәрбий қоманданлар билән көрүшкән, вәзийәт җиддий һаләттә турмақта икән. Әнглийә б б с агентлиқиниң хәвәр қилишичә, мисирдики асаслиқ өктичи сиясий партийә "мусулман қериндашлар җәмийити" сабиқ б д т атом оргининиң мәсули, нобел мукапатиниң саһиби әлбарадиниң оттуриға чиқип, президент мубарәк билән вәзийәт һәққидә сөһбәт өткүзүшни қоллиған.

Шәнбә күни мубарәк һөкүмәтни тәртипкә селип, тунҗи қетим бир кишини муавин президентлиққа тәйинлигән һәмдә йеңи баш министир бекиткән.

Йәкшәнбә күни америка мисирдики америка пуқралирини мисирдин чиқип кетишкә чақирған.

Униңдин башқа йәнә америка, әнглийә, франсийә вә германийә қатарлиқ ғәрб дөләтлири мубарәккә бесим көрситип, уни вәзийәтниң техиму еғирлишип кетишидин сақлинишқа һәмдә ислаһат вәдисини ақлашқа чақирған.

Америка президенти барак обама дөләт бихәтәрлик әмәлдарлири билән мисир вәзийитини музакирә қилип, ақ сарайниң мисирдики һәр қайси тәрәпләрниң өзлирини тутувелиши, кишилик һоқуқни омумлаштуруш вә мисир һөкүмитиниң сиясий ислаһатни әмәлийләштүрүшни үмид қилидиғанлиқини билдүргән.

Түркийә һөкүмити айропилан аҗритип оз пуқралирини мисирдин елип кетишкә башлиған.

Алтә күнлүк намайиш җәрянида 100 дин артуқ адәм өлгән, бир қанчә миң киши яридар болған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт