Mongghuliye namayishchiliri parlaménitni tarqitiwétishni telep qildi

Namayish asasen tinch yosunda élip bérildi. Birleshme agéntliqida körsitishiche, namayishchilar köpinchisi mongghuliyining qishlaqliri we namratlar rayonidin kelgen bolup, ular hökümetni bayliqni ortaq tarqatmasliq bilen eyiblidi.

Melum bolushiche, 2008 - yili mongghuliye xelq inqilabi partiyisi we mongghuliye démokratik partiyisi mongghuliyidiki chiriklikke ortaq qarshi turidighanliqi we mongghuliyidiki bayliqni teng teqsim qilidighanliqi heqqide wede bergen.
Birleshme agéntliqida neqil qilinishiche, namayishchi uyanga gantomor, nöwette her ikkila partiyining wediside turmay mongghul xelqini aldighanliqini, shunga ularning yene hakimiyet béshida turidighan yüzi yoqluqini bildürgen.

U yene, eger hökümet da'iriliri namayishchilarning telipige 72 sa'et ichide jawab bermise, namayishning ikkinchi basquchqa kiridighanliqini bildürgen. Emma ikkinchi basquchning tepsilati heqqide toxtalmighan.

Monggholiyide 2008 - yilimu saylam netijisige qarshi chong kölemlik namayish ötküzülgen bolup, namayishta 5 adem ölgen we 200 ge yéqin adem yarilan'ghan idi.