Moro islam azadliq fronti bilen filippin hökümiti urush toxtatti

Yekshenbe küni filippin hökümiti bilen filippinda 40 yilidin buyan öz hoquqliri üchün qoralliq küresh qilip kéliwatqan moro islam azadliq fronti söhbet arqiliq tinchliq kélishimini resmiy imzalidi.
Muxbirimiz ümidwar
2012-10-07
Share


B b s agéntliqining xewer qilishiche urush toxtitish kélishimi boyiche filippin hökümiti moro islam azadliq frontining morolar rayonida özini özi idare qilidighan alahide aptonomiyilik hoquqqa érishishigha razi bolghan hemde bu yéngi moro musulman muxtariyet hökümitini saylash pa'aliyiti bashlinidiken.

Filippin prézidénti akino ikki terep arisida tinchliq kélishimining resmiy imzalan'ghanliqini jakarlighan. Shuningdek bu kélishim kéler heptidin tartip küchke ige bolidiken.

Morolar rayoni filippinning jenubigha jaylashqan musulman rayoni bolup, nopusi texminen ikki milyon etrapida. Morolar filippin musteqil bolghandin buyan öz hoquqlirini qolgha keltürüsh üchün küresh qilghan. 1960 - 80 - Yillar arisida filippin hökümiti morolargha qarita assimilyatsiye siyasiti élip barghandin kéyin qoralliq küresh kücheygen.1980 - Yillarda morolarning aptonom rayoni qurulghan bolsimu, biraq qarshiliq dawamlishiwergen. 90 - Yillardin kéyin moro islam azadliq fronti qoralliq heriketke rehberlik qilghan.2001 - Yilidin kéyin moro islam azadliq fronti xelqara térrorchi teshkilat tizimlikige kirgüzülgen. Biraq, yéqinqi waqitlardin buyan ikki terep arisidiki söhbetler we xelqaraning arilishishi bilen fillip hökümiti axiri moro islam azadliq frontining moro aptonom rayonining ornida téximu aliy aptonomiyilik hoquqqa érishish telipige qoshulghan. Bu alahide siyasiy tüzülme "sub - state" , yeni " Qoshumche dölet" dep atalghan bolup, buningda öz aldigha asasiy qanun chiqirishtin bashqa yene, edliye, medeniy - ma'arip, saqchi, maliye we bashqa nurghun tereplerdin öz aldigha bashqurush hoquqliri bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet