Moskwada millletchilikke qarshi xaraktérdiki yighilish boldi

Yekshenbe küni rusiyining paytexti moskwa shehiridiki pushkin meydani "moskwa hemme kishiler üchün" namliq yighilish herikiti yüz bergen bolup, rusiyining " nowosti" xewerler agéntliqining xewer qilishiche, mezkur yighilish aldinqi heptide rus milletchi yashlirining kawkazliq, ottura asiyaliq we bashqa rus emes milletlerni chetke qéqishni sho'ar qilghan namayishigha qarshi uyushturulghan iken.
Muxbirimiz ümidwar
2010.12.26

Yighilishqa qatnashqanlarning sani 1500 éship ketken. Biraq, pushkin meydanidiki yighilishqa qatnashqanlarning sanining 4000 ashqanliqimu perez qilinmaqta.
Moskwa hökümiti sheher xelqini özini tutuwélishqa chaqirghan.

Yighilishqa qatnashqan rusiye fédératsiyining qehrimani, alem uchquchisi muhemmed tolbayéw mundaq dégen: " rusiyidiki barliq milletlerge yaxshi mu'amile qilinishi kérek , chünki biz hemmimiz rusiyilikler".

Yazghuchi ma'eri'étta chudakowa bolsa, zorawanliqlarni toxtitishqa chaqiriq qilghan. Kino rézhisorri pawél lun'gin " hazir dölet nahayiti qiyin ehwalda qaldi, meqset yoq, idiye yoq, bu ademlerni qiynimaqta, yashlarning kélechiki yoq, mewjut boluwatqan milletchilik peqet ümidsizliktin kélip chiqqan milletchilik" dep chüshendürgen.

Kino artisi maksim witorgan "bizge kelgen apet shuki, biz hakimiyetning ademlerni özimizning we yatlar dep ayrishigha yol qoyduq" dep hökümetni tenqid qilghan.

Yekshenbe künidiki bu yighilishning meqsiti moskwada, jümlidin rusiyide bash kötürgen rus milletchilikige qarshi turush bolup, melumatlargha asaslan'ghanda, taqirbashlar dep atalghan rus milletchiliri hemmila jayda kawkazliq , qara tenlik, ottura asiyaliq, xitay we bashqa asiyaliqlarni hujum nishani qilghan.

" Rusiye peqet ruslar üchünla" dégen milletchilik lozunkisi astidiki rus milletchilirining herikiti rusiye puqralirida, bolupmu moskwaliqlarda yéngi milliy toqunush yüz bérip qélishidin ibaret xatirjemsizliklerni peyda qiliwatqanliqi melum bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.