'Muhebbetning on sherti' namliq höjjetlik filim amérikida tunji qétim körsitilmekchi

Jorjiye shtati atlanta shehiride ötküzülidighan filim féstiwaligha rabiye qadir xanimning hayati pa'aliyiti bash téma qilin'ghan "muhebbetning on sherti" namliq höjjetlik filimmu qatnashturuldi.
Muxbirimiz jüme
2010.04.19

Uyghur milliy herikiti yétekchisi rabiye qadir xanim atlantada échilidighan filim féstiwaligha qatnishish uchun yürüp ketti.

Bu, "muhebbetning on sherti" namliq höjjetlik filimning tunji qétim amérikida körsitilishi bolup hésablinidu.

Filim féstiwaligha a'it uchurlardin melum bolushiche, "muhebbetning on sherti" 19 ‏- aprél kechqurun atlanta shehiridiki "midtown bedi'iy filimler kinoxanisi"da qoyulidiken.

Melum bolushiche, féstiwal teshkilligüchiliri filim körsitilip bolghandin kéyin rabiye qadir xanim bilen söhbet we filim heqqide CNN qatarliq axbarat wasitiliride mexsus ziyaret uyushturushqa tirishchanliq körsetmekte iken.

19 - Aprél etigende dunya Uyghur qurultiyi re'isi rabiye qadir xanim atlanta shehirige yétip keldi. Atlanta filim féstiwaligha qoyulghan barliq filimler mezkur sheherdiki midtown kinoxanisida körsitilidiken.

"Muhebbetning on sherti" bultur küzde awstraliyide ötküzülgen mélburn filim féstiwaligha quyulghan we rabiye xanimning mezkur féstiwalgha teklip qilinishi awstraliye ‏ - xitay munasiwetliride soghuqchiliq peyda qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.