'Muhebbetning 10 sherti' amérikida ötküzülidighan 'tagh filim féstiwali' da qoyulidu
Muxbirimiz jüme
2010.05.17
2010.05.17
Bash shtabi amérikining kolorado shtatining tellurid shehirige jaylashqan "tagh filim féstiwali" guruhi bir musteqil filim féstiwali bolup, bu yil 32 - yiligha qedem qoydi.
Féstiwal tor bétide körsitishiche, féstiwal mushu ayning 28 - künidin 31 - künigiche 4 kün dawam qilidiken. "Muhebbetning on sherti" 28 - may we 31 - may künliri 2 qétim körsitilidiken.
Féstiwal teshkilligüchi kino burns, mezkur filim féstiwalida peqet dunyadiki diqqet qilishqa tégishlik weqe we shexslerge a'it ishlen'gen ehmiyetlik filimler körsitilidighanliqini bildürgen.
"Muhebbetning on sherti" namliq höjjetlik filim, 2009 - yili tunji qétim awstraliyide ötküzülgen mélburn xelq'ara filim féstiwaligha qoyulghan we awstraliye - xitay munasiwetliride soghuqchiliq peyda qilghan idi.
"Muhebbetning on sherti" yene teywende élip bérilghan "gawshyung filim féstiwali" we amérikining atlanta shehiride échilghan filim féstiwallirida qoyulghan idi.