Гавшюң кино фестивали 'муһәббәтниң 10 шәрти' ни фестивалда қоюдиғанлиқини рәсмий елан қилди

Тәйвән гавшюң кино фестивали орунлаштурғучилири дүшәнбә күни, рабийә қадир ханим һәққидики филимниң фестивалида қоюлидиғанлиқини рәсмий елан қилди.
Мухбиримиз җүмә
2009.09.28
Share on WhatsApp
Share on WhatsApp

Гавшюң кино фестивали уйғур миллий һәрикити рәһбири рабийә қадир ханимниң һаяти паалийити баш тема қилинған һөҗҗәтлик филим "муһәббәтниң он шәрти" ни фестивалда қойидиғанлиқини җакарлиғандин кейин, фестивал хитай даирилириниң күчлүк қаршилиқиға учриған һәмдә хитай хаккерлири фестивал тор бетигә вирус һуҗуми қозғиған иди.

Бу һәқтә тохталған фестивал баш тәшкиллигүчиси лю сүййиң, мәзкур фестивал мустәқил кино фестивали болғачқа көплигән кишиләрниң уларни хитайниң бесимиға бой бәрмәсликкә дәвәт қилғанлиқини билдүрди.

Хитайниң бесими сәвәбидин келип чиққан җиддийликни пәсәйтиш үчүн " муһәббәтниң он шәрти" өткән һәптә гавшюң шәһиридики бир кино кутупханисида қоюлған иди.

Мәлум болушичә, мәзкур филим өткән һәптә гавшюңда төт қетим көрситилгән. Фестивал тәшкиллигүчиси лю сүййиң бу һәқтә тохтилип, " кишиләр бу филимгә бәк қизиқти вә өткән һәптидики 4 қетимлиқ көрситиштә кишиләр орунниң қислиқидин нарази болушти" деди.

У йәнә, өткән һәптә 800 адәмниң " муһәббәтниң он шәрти" ни көрүшкә мувәппәқ болғанлиқини, әмма йәнә нурғун адәмниң орун йәтмәй қайтуруветилгәнликини билдүрди.

"Муһәббәтниң он шәрти" хитайниң бесимиға қаримай өткән айда австралийә мелбурн кино фестивалида қоюлған вә тамашибинларниң алқишиға еришкән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.