Uyghur élining ékologiyisi künsayin nacharlashmaqta

Uyghur biz torining “Asiya kindiki” gézitidin neqil qilishiche, Uyghur éli muhitining éghir derijide bulghinishi yerlik da'irilerni heriketke ötküzgen.
Muxbirimiz irade
2012.09.20

Yéqinda, aptonom rayonluq muhit nazariti we réwiziye nazariti birlikte chiqarghan uqturushida Uyghur élide muhitni qoghdashqa alaqidar qanun-nizamlarni ijra qilishning tes bolushi, muhit bulghighan orunlargha éghir jaza bérilmeslikidek amillar tüpeylidin Uyghur élide muhit xizmetliride bir ilgirilesh körülmeywatidu, dégen.

Xewerdin qarighanda, ürümchi, sanji, aqsu we qumul qatarliq 10 wilayet, sheherning muhitidiki bulghinish eng éghir bolup, da'iriler bu orunlardiki tekshürüshtin ötmey turup qurulush bashlash, awwal qurulush qilip andin testiq sélishqa oxshash qilmishlarni qet'iy ayaghlashturushni telep qilghan.

Emma, Uyghur éli muhitidiki bulghinish kéyinki yillardiki zor köchmen éqini bolupmu 2010-yili 19 ölkining zawut-karxaniliri Uyghur élige kirishke bashlighandin buyan körünerlik halda nacharlashqan. Uyghur biz tori bu heqtiki xewiride, yardem bérish nami astida muhitni éghir derijide bulghap, tebi'iy menbelerni ziyade xoritidighan bezi zawut-karxanilarning Uyghur élige yötkep kélin'genlikini, mana bu zawut-karxanilarning Uyghur éli ékologiyisi we yerlik xelqlerning salametlikige éghir tehdit peyda qiliwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.