21- Ноябир, хитай уйғур елидә турушлуқ қораллиқ сақчи қисимлири 2- тармақ әтритигә "1- дәриҗилик төһпә мукапати" бәрди

21- Ноябир, хитай дөләт ишлар кабинети вә хитай мәркизий һәрбий комитети хитайниң уйғур елидә турушлуқ қораллиқ сақчи қисимлири 2- тармақ әтрити һәмдә үрүмчи тармақ әтритиниң сабиқ башлиқи тйән гүйҗуңға "1- дәриҗилик төһпә мукапати" бәргән. Тйән гүйҗуң йеқинда үрүмчи қораллиқ сақчи қисимлири қоманданлиқ институтиниң мудирлиқиға өстүрүлгән.
Мухбиримиз җүмә
2010.11.22

Мәзкур мукапатниң "5- июл вәқәси" дин кейин уйғур елидә турушлуқ хитай қисимлириға берилиши, көзәтчиләрниң диққитини қозғиди.

"Тәңритағ" ториниң хәвәр қилишичә, мукапатни уйғур аптоном райони рәиси нур бәкри вә партийә секретари җаң чүншәнләр бирликтә тарқитип бәргән.

Нур бәкри хитай дөләт ишлар кабинети вә мәркизий һәрбий комитетиниң бу һәқтики буйруқини оқуған.

Җаң чүншйән мурасимда сөз қилип қораллиқ сақчи қисимлири террорлуққа қарши күрәш қилидиған вә муқимлиқ сақлайдиған асасий күч " дегән.

Канададики өзини ашкарилашни халимиған бир уйғур зиялийсиниң билдүрүшичә, хитай қораллиқ сақчи қисимлириниң үрүмчидә турушлуқ қисимлири " 5- июл вәқәси" ни бастурушта һалқилиқ рол ойниған икән.

У мундақ деди: "хитай сақчи вә қораллиқ қисимлири 5- июлдики уйғур намайишчиларни қорал күчи билән бастурди. Мәзкур тармақ әтрәткә берилгән мукапатни әсли, хитай қораллиқ сақчи қисимлириниң шу хил вәһшийликигә берилгән, дәп қарашқиму болиду."

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.