D u q re'isi rabiye qadir xanim guma weqesige inkas qayturup, b d t ni weqeni tekshürüshke chaqirdi

Xitay hökümet da'iriliri tünügün tarqatqan xewerliride xotenning guma nahiyiside "Bir térrorluq guruppisining 7 adimi étip öltürüldi, 4 nepiri yaridar qilindi" dep élan qilin'ghan idi. Emma bügün radi'omiz igiligen uchurlardin guma nahiyiside saqchilar teripidin étip öltürülgen bu 7 kishining chégridin qachmaqchi bolghan Uyghurlar ikenliki melum boldi.

Weqe 28-dékabir kéchisi guma nahiyisidiki mukuyla yézisi teweside yüzbergen. Saqchilar ularni tosuwalmaqchi bolghanda ikki terep arisida toqunush yüz bergen. Toqunushta, guma nahiyilik saqchi idarisining mu'awin bashliqi adil abduweli ölgen.

Weqe heqqidiki xewerler ashkarilan'ghandin kéyin xelq'araliq metbu'atlarning qiziq nuqtisigha aylinip, birleshme agéntliqi, roytérs, los-anjélis waqti géziti, s n n, télégraf géziti qatarliq bir yürüsh meshhur xelq'araliq axbarat wasitilirining hemmiside dégüdek élan qilindi.

Uyghur milliy herikitining rehbiri rabiye qadir xanim radi'omizda bayanat élan qilip, birleshken döletler teshkilatini weqe üstidin tekshürüsh élip bérishqa chaqirdi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar