Xitay hökümiti muqimliqni tekitlewatqan bir peytte xitay ölkiliride naraziliq namayishliri köpeymekte

Xitay hökümiti “Merkizi hökümet bilen idiyide birlikke kélip, jem'iyet muqimliqni saqlash” ni tekitlewatqanda, gu'angdung, shenshi, xénen qatarliq ölkilerde nechche ming kishilik zor kölemlik naraziliq namayishliri yüz berd
Muxbirimiz méhriban
2012.04.24

Xitay ölke, sheherliride yüz bergen naraziliq namayishliri, xitay hökümet metbu'atlirida xewer qilinmighan bolsimu, emma xitay weziyitini közitip kéliwatqan chet'el metbu'atlirida, yéqindin buyan xitayda dawamlishiwatqan naraziliq namayishliri heqqidiki xewerler köplep bérildi.

Melum bolushiche, gu'angdung ölkisining dungwen zawutida ish heqqini östürüp bérishni telep qilghan ishchilarning naraziliq namayishi 18-apréldin 22-aprélghiche üch kün dawamlashqan. Shenshining shi'en shehiride 24-aprél ishsiz qalghan ishchilarning nechche ming kishilik naraziliq namayishi yüz bergen.

Xitay hökümet da'iriliri bu namayishlar heqqidiki xewerlerni kontrol qilghandin bashqa, saqchi hem qoralliq qisimlirini ewetip, weziyetni kontrol qilishqa tirishqan. Radi'omiz igiligen uchurlardin melum bolushiche, bu namayishlarning hemmisidila namayishni tarqitiwétishke kelgen saqchilar bilen namayishchilar arisida toqunush yüz bérip, nurghun adem tutqun qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.