Мустәқил тәтқиқатчи илһам тохти явропа бирликиниң бейҗиңдики мәсул хадимлири билән көрүшкән

"Уйғурбиз" ториниң хәвәр қилишичә, бейҗиңдики милләтләр университетниң дотсенти, мустәқил тәтқиқатчи илһам тохти икки һәптиниң алдида явропа бирликиниң бейҗиңдики мәсул хадимлири билән көрүшүп икки саәт сөһбәт өткүзгән.
Мухбиримиз шоһрәт һошур
2010.09.28
Share on WhatsApp
Share on WhatsApp

Илһам тохти, сөһбәт давамида мәсул хадимларға уйғурларниң нөвәттики вәзийити, җүмлидин кишилик һоқуқ вәзийити һәққидә мәлумат бәргән. У йәнә, уйғур аяллириниң һәқ - һоқуқи мәсилиси билән ахбаратчиларниң җазалиниш мәсилиси һәққидә нуқтилиқ тохталған. Сөһбәт давамида 15 йил кесилгән журналист ғәйрәт ниязниң әһвалиму тилға елинған.

Өткән һәптә, явропа бирликиниң бейҗиңда турушлуқ иш беҗириш орнидики сода ишлири вәкили, келәр һәптә явропада ечилидиған яврупа - хитай сөһбитидә, явропа тәрәпниң кишилик һоқуқ мәсилисидә алаһидә чиң туридиғанлиқини билдүргән.

Бу вәкил сөзидә, хитайда иқтисад көрүнәрлик дәриҗидә тәрәққий қилған болсиму, кишилик һоқуқ вәзийитиниң буниңға мас һалда илгирилийәлмигәнликини әскәрткән. У йәнә, бу қетимқи йиғинда хитайниң қанун дөлитидә болушқа тегишлик шәртләрни қайси дәриҗидә орунлиғанлиқи һәққидиму сөһбәт елип берилидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт