Musteqil tetqiqatchi ilham toxti yawropa birlikining béyjingdiki mes'ul xadimliri bilen körüshken

"Uyghurbiz" torining xewer qilishiche, béyjingdiki milletler uniwérsitétning dotsénti, musteqil tetqiqatchi ilham toxti ikki heptining aldida yawropa birlikining béyjingdiki mes'ul xadimliri bilen körüshüp ikki sa'et söhbet ötküzgen.
Muxbirimiz shohret hoshur
2010.09.28
Share on WhatsApp
Share on WhatsApp

Ilham toxti, söhbet dawamida mes'ul xadimlargha Uyghurlarning nöwettiki weziyiti, jümlidin kishilik hoquq weziyiti heqqide melumat bergen. U yene, Uyghur ayallirining heq - hoquqi mesilisi bilen axbaratchilarning jazalinish mesilisi heqqide nuqtiliq toxtalghan. Söhbet dawamida 15 yil késilgen zhurnalist gheyret niyazning ehwalimu tilgha élin'ghan.

Ötken hepte, yawropa birlikining béyjingda turushluq ish béjirish ornidiki soda ishliri wekili, kéler hepte yawropada échilidighan yawrupa - xitay söhbitide, yawropa terepning kishilik hoquq mesiliside alahide ching turidighanliqini bildürgen.

Bu wekil sözide, xitayda iqtisad körünerlik derijide tereqqiy qilghan bolsimu, kishilik hoquq weziyitining buninggha mas halda ilgiriliyelmigenlikini eskertken. U yene, bu qétimqi yighinda xitayning qanun dölitide bolushqa tégishlik shertlerni qaysi derijide orunlighanliqi heqqidimu söhbet élip bérilidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.