Muxbirlarni qoghdash komitéti xitayda chet'ellik muxbirlargha qaritilghan cheklimilerning éghirlashqanliqini bildürdi

Merkizi nyuyorktiki muxbirlarni qoghdash komitéti 14-féwral élan qilghan 2012-yilliq doklatida, xitaydiki chet'ellik muxbirlargha qaritilghan cheklimilerning barghanche éghirlashqanliqini bildürdi.
Muxbirimiz méhriban
2013-02-14
Share

"Metbu'atlargha qaritilghan hujum" namliq bu doklatta, ötken yili xitay hökümet da'irilirining eljire téléwiziyisining xitayda turushluq muxbirining wizasini uzartishni ret qilip, uni xitaydin ayrilishqa mejburlighanliqi؛ ema kishilik hoquq aktipi chén gu'angchéng béyjingdiki doxturxanidiki mezgilide uni ziyaret qilghan on nechche chet'ellik muxbirning saqchilarning soraq qilishigha uchrap, ikkiylenning muxbirliq kinishkisi tartiwélin'ghanliqi, xitay emeldarlirining mal-mülki heqqide xewer bergen nyu-york waqti gézitining xitayche tor békitining buyruq bilen taqiwétilgenliki qatarliq weqeler misalgha élinip, xitaydiki chet'ellik muxbirlarning ehwalining barghanche yamanlishiwatqanliqi ilgiri sürüldi.

Xitay xelq'arada puqralarning pikir erkinliki hem metbu'at erkinliki boghulghan dölet dep qarilip kéliwatqan döletlerning biri bolup, kishilik hoquq teshkilatliri teripidin dawamliq tenqidke uchrap kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet