Chégrasiz muxbirlar teshkilati xitayning 2010 ‏- yilliq axbarat erkinlik xatirisini tenqid qildi

Merkizi fransiye paytexti parizhdiki xelq'ara axbarat erkinlik orgini- chégrasiz muxbirlar teshkilati peyshenbe küni dunyaning 2010 ‏- yilliq axbarat erkinlik ehwali heqqide doklat élan qilip, axbarat xadimlirining bu bir yilda öltürülüsh, qolgha élinish, görüge tutulush, tehdit we jismaniy hujumgha uchrash, qéchip kétishke mejbur bolush qatarliq 9 türlük ziyankeshlikke uchrash hadisisi üstidin bahalash élip bardi.
Muxbirimiz erkin
2010-12-31
Share

Chégrasiz muxbirlar teshkilatining asiya ishliri mes'uli wénsént brusél bu heqte toxtilip, axbarat xadimlirigha qaritilghan 9 türlük ziyankeshlikning ichide öltürülüsh we görüge élinish hadisisidin sirt, qalghan ziyankeshlik türlirining hemmisi xitayda mewjut ikenliki, xitayning axbarat erkinlikini kontrol qilish hem bésish jehetlerde dunyada riqabetchisi yoqluqini bildürdi. Doklatta eskertishiche, 2010 ‏- yili yer shari boyiche 57 neper muxbir öltürülgen, 51 neper muxbir görüge tutulghan, 535 neper muxbir qolgha élin'ghan yaki tutqun qilin'ghan, 1374 neper muxbir jismaniy hujum we yaki tehditke uchrighan.

Wénsént brusél, 2010 - yili xitayda qolgha élin'ghan muxbirlarning 40 din ashidighanliqini, texminen 25 muxbirning jismaniy hujum we yaki tehditke uchrighanliqini, muxbirlargha hujum qilghuchilarning köp hallarda saqchi we yaki yerlik emeldarlar ikenlikini bildürdi. Xitay da'irilirining axbarat erkinliki we qorqmay pikir qilidighan axbarat xadimlirini basturush herikiti yéqinqi bir qanche yildin béri xelq'ara kishilik hoquq teshkilatlirining diqqitini qozghap, ularning xitay kishilik hoquq xatirisi, démokratiye tereqqiyati we axbarat erkinlikige bolghan diqqet nezirini qozghighan idi. Yéqinda xitay hökümitining merkizi radi'o istansisi muxbiri muhemmetjan abdullagha muddetsiz qamaq jazasi bérishi xelq'ara kishilik hoquq teshkilatliri we axbarat erkinlik teshkilatlirining tenqidige uchrighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet