Süriyidiki bir qisim namayishchilar qorallinishqa bashlidi

Yéqinqi melumatlardin qarighanda, tinchliq yolidin ümidsizlen'gen bir turküm namayishchilar qoralliq qarshiliq üchün teyyarliqqa ötken we bezi jaylarda qoralliq guruppilarmu shekillen'gen. Süriye hökümiti mezkur guruppilarni térrorchi dep eyiblep, basturush üchün heriketke ötken.

Amérika awazi radi'osining xewiride bildürüshiche, süriye armiyisi bügün rastan shehiride atalmish térrorchilargha qarshi heriket élip barghanda qoralliq qarshiliqqa duch kélip 7 neper esker ölgen.

Süriye hökümiti nöwette amérikini söriyidiki namayishchilarni zorawanliqqa küshkürtüwatidu dep eyiblimekte.

Amérikining süriyidiki bash elchisi robért fort tünügün namayishchilarning mötidil yoldiki rehbiri hasan abdil'ezim bilen körüshüshke kétiwatqanda, kochida bir türküm hökümet terapdari kishilerning hujumigha uchrighan.

Hujumda bash elchining aptomobiligha tash we pemidurlar étilghan. B d t bixeterlik kéngishi süriyige qollinidighan jaza layihisi üstide muzakire élip bériwatqan bu pursette, süriyidiki bir türküm öktichiler, süriyidiki weqege tashqi küchlerning hazirche arilishishini xalimaydighanliqini bildürgen.

Liwiyidiki öktichilermu deslepki mezgilde tashqi küchning arilishishini ret qilghan, axirida nato qisimlirining yardimi bilen hakimiyetni qolgha alghan idi.