Нато қисимлири пакистан чегриси ичидә һәрбий һәрикәт елип барған

Бүгүн шималий атлантик әһдә тәшкилати( нато) қисимлири пакистан тәвәсидә қораллиқ күчләргә қарши "өзини қоғдаш характерлик тазилаш һәрикити" елип барғанлиқини ашкарилиди. BBC Ниң хәвәр қилишичә, нато адәттә пакистан һава тәвәсигә кирип, елип барған һәрбий һәрикәтлирини асанлиқчә ашкарилимайдиған болуп, бундақ әһвал наһайити аз көрүлидикән.
Мухбиримиз ирадә
2010.09.27

Нато қисимлири вәқә һәққидә бәргән баянатида, һәптә ахирида афғанистан - пакистан чегрисиға җайлашқан хост районидики бир һәрбий понкитқа, бир қисим топилаңчиларниң қораллиқ һуҗум қилғанлиқини, нато қисимлириниң тикучар билән қайтурма һуҗумға өткәнликини билдүргән. Әмма, пакистан һава тәвәсидә елип берилған һәрикәтниң ениқ орни вә қатнашқан әскәрләрниң қайси дөләткә тәвә икәнликини ашкарилимиған. Нато һуҗумда 50 тин артуқ топилаңчи өлтүрүлгәнликини, авам-пуқраниң зиянға учримиғанлиқини билдүргән.

Пакистан ахбарат васитилири өлгәнләрниң талибанниң пакистанда паалийәт елип бериватқан қораллиқ күчлири икәнликини хәвәр қилған.

Игилинишичә, америка бундин илгири нурғун қетим афғанистан - пакистан чегрисида елип барған һәрикәтлиридә учқучисиз айропилан ишләткән болуп, бу нато қисимлириниң пакистан чегриси ичидә тунҗи қетим һәрикәт елип бериши икән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.