Нато афғанистан һөкүмәт тәркибидики адәмлирини чекиндүридиғанлиқини билдүрди

Б б с агентлиқиниң хәвәр қилишичә, нато ниң бу қарари 25 - феврал күни афғанистан һөкүмити тәркибидә хизмәт қилидиған икки нәпәр америка офитсери суйиқәстлик һуҗумға учрап һаятидин айрилғандин кейин чиқирилған. Бу һуҗум вәқәсидин кейин афғанистан мудапиә министири америка дөләт мудапиә министиридин вәқә мунасивити билән әпу сорайдиғанлиқини билдүргән.

Нөвәттә һуҗумчиниң кимлики ениқлиниватқан болуп, бу һәқтә түрлүк пәрәзләр мәвҗут. Бирақ, нато ниң афғанистандики қошунлириниң қомандани әлин нато ниң давамлиқ түрдә афғанистан һөкүмити билән һәмкарлишип, тинч вә муқим афғанистани мәйданға кәлтүрүш нишанини әмәлгә ашуридиғанлиқни тәкитлигән. Америка авазиниң хәвәр қилишичә, афғанистандики қуран көйдүрүш вәқәси мунасивити билән америка президенти обама әпу сориған, афғанистан президенти карзай хәлқини өзини тутивелишқа чақирған иди.