Nato liwiyidiki heriketlirini dawamlashturmaqchi

Shimaliy atlantik ehdi teshkilati natogha eza döletler mudapi'e ministirlirining bélgiyining paytexti biryussélda élip barghan ikki künlük yighinida liwiye mesilisi nuqtiliq muzakire qilin'ghan.
Muxbirimiz irade
2011-10-06
Share

Fransiye dölet mudapi'e ministiri girard lonkut yighindin kéyin bergen bayanatida, liwiyidiki qoralliq qarshilishishlarning dawam qiliwatqanliqini, ötkünchi hökümet telep qilmighuche, natoning liwiyidiki qoralliq heriketlirining dawam qilidighanliqini bildürdi.

B b s ning xewer qilishiche, hazir isyanchilar kazafiyning tughulghan yéri bolghan sirteni qolgha alghan, emma jenubtiki béni wélid we etrapidiki rayonlarda toqunushlar dawam qilmaqta iken.

Ötkünchi hökümet hazir sirte shehiride qollashqa érishish üchün tirishchanliq körsitiwatqan bolup, bir qanche kün ichide sirtidiki qarshiliq heriketlirini pütünley tinchitidighanliqini bildürgen.

Ötkünchi hökümet sirteni pütünley qolgha élip, liwiyide erkinlik élan qilin'ghan küni, özlirining istépa bérip, memliket boyiche démokratik saylam élip baridighanliqi heqqide wede qilghan.

Bügün yene bir yaqtin, liwiyining qachqun lidiri kazafiy milyonlighan liwiye xelqini "Namayish qilip, ötkünchi hökümetni yoqitish" qa chaqirghan. U bayanatini süriyidiki bir téléwiziye qanili arqiliq élan qilghan bolup, uning hazir nede turuwatqanliqi éniq emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet