Xitay néfit shirketliri Uyghur élining néfitini toshush üchün yéngi néfit turubilirini yasimaqchi

Xitay da'iriliri 2012-yili Uyghur élige 724 milyard yüen meblegh salidighanliqini élan qildi. Igilinishiche, bu meblegh merkezge biwasite qarashliq bolghan dölet igidarchiliqidiki karxanilar guruhi teripidin Uyghur élining kömürchilik, ximiye sana'et we éléktr énérgiyisi sahesidiki qurulush türlirige sélinidiken.
Muxbirimiz irade
2012-03-15
Élxet
Pikir
Share
Print

Mezkur guruhqa tewe shirketler Uyghur élidiki asasliq kömür, altun we bashqa kan bayliqliri we néfit tebi'iy gazni ilgirilep échish qurulushlirigha meblegh séliwatqan bolup, "Xitay kündilik" gézitining xewiridin melum bolushiche, xitayning ikki chong néfit shirkiti "Pétro china" we "Sinopek" 2012-yili ichide Uyghur élining néfitini xitayning déngiz boyidiki ölkilirige toshush üchün 7 néfit turubisi yasashni pilan qilghan. Hazirghiche, xitayning 5 chong éléktr énérgiye shirkiti we 20 chong kömürchilik shirkiti Uyghur élige orunliship bolghan.

Xitay hökümiti ichkiridiki shirketlerning salghan mebleghlirining "Uyghur éli iqtisadini yuqiri kötüridighanliqini" teshwiq qilip, uni "Yardem" dep atawatqan bolsimu, emma Uyghurlar buninggha qoshulmaydu. Ular bu qurulushlarning Uyghur élini talan-taraj qilishni tézlitish we köchmen köpeytishtin bashqa yerlik xelqqe héchqandaq payda élip kelmigenlikini ilgiri sürüshmekte.

Toluq bet