Nensi pélosi xanim xitay bilen xitaydiki kishilik hoquq mesilisi hem tibet mesilisi toghruluq söhbette bolidu

Amérika awam palata re'isi nensi pélosi xanim, mushu ayda xitayda ziyarette bolidu. Nensi pélosi xanim bu qétimqi xitay ziyaritide, xitay bilen amérika otturisida bir mezgil üzülüp qalghan xitay diki kishilik hoquq mesilisi hem tibet mesilisi heqqide söhbette bolidiken.
Muxbirimiz mihriban
2009-05-21
Share

Nensi xanim 5 - ayning 24 - küni yeni kéler yekshenbidin 5 - ayning 31 - künigiche bir heptilik waqit ichide, xitay bilen tibet mesilisi hem xitaydiki kishilik hoquq mesiliside saqliniwatqan mesililer heqqide söhbette bolidiken.

Xitaydiki nachar bolghan kishilik hoquq mesilisi, hem xitayning tibet hem Uyghur élide yürgüzüwatqan bir qatar qattiq siyasetliri, tibet we Uyghur rayonidiki xelqlerning naraziliqini qozghap kéliwatqan bolup, bu ehwal xitayning xelq'aradiki abruyini qattiq chüshürüwetken, xitay xelq'aradiki kishilik hoquq teshkilatliri teripidin, kishilik hoquq xatirisi nachar döletler tizimlikige kirgüzülgen idi.

Hetta, bu yil 5 - ayda ispaniye ali soti, xitayning tibet rayoni partkom sékritari jang chingli, xitayning Uyghur élidiki partkom sékritari wang léchu'en we xitay dölet mudapi'e ministiri lyen gu'anglyé, xitay dölet bixeterlik ministiri, géng xuychang, jama'et xewpsizlik ministiri ming jyenju qatarliq üch ministir xitay milliy ishlar komitéti re'isi li déju, lxasagha jaylashqan xitay azadliq armiyisi qomandani tung güyshen we chéngdu qoralliq saqchi qisim siyasiy komissari jang güyxu'a qatarliq 8 kishini insaniyetke qarita jinayet ötküzgen jinayetkar dep eyiblep, xelq'ara sotta sotlashni telep qilghan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet