Amérika bash elchisi xitay hökümitini mehbus adwokat ni yülenni qoyup bérishke chaqirdi

Ni yülen 2002-yilidin buyan jem'iy 3 qétim türmige tashlan'ghan bolup, axirqisi ötken yil aprélda yeni ottura sherqte ereb bahari bash kötürgen mezgilde yüz bergen. Ni yülen we uning yoldishi yer dawasi qiliwatqan erzdarlargha yardem qilghan, uning bu qilghini xitay da'iriliri teripidin jem'iyet tertipini buzush üchün qutratquluq qilish dep eyiblen'gen.

Amérika bash elchisi bügünki bayanatida, ni yülenning salametlik ehwalidin endishe qiliwatqanliqini bayan qilghan we ni yülenning yerlik da'iriler teripidin urup méyip qilin'ghanliq ehwalini tilgha élip ötken. Bash elchi yene ni yölenning qizigha qarita yürgüzülüwatqan nezerbendning emeldin qaldurulushini telep qilghan.

Bügün xitay tashqi ishlar bayanatchisi lyu wéymin amérika bash elchisining mezkur chaqiriqi üstide pikir bayan qilip, bashqa döletlerni xitayning edliye sahesidiki igilik hoquqigha arilashmasliqqa chaqirghan.