Ниңбодики химийә завутиға қарши намайиш, һөкүмәтниң вәдә беришигә қаримай давамлашти

Шәнбә вә йәкшәнбә күнлири хитайниң ниңбо шәһиридики бир түркүм аһалиләр, мәзкур шәһәрдә қурулуши пиланланған бир химийә завутиға қарши намайиш өткүзгән.
Мухбиримиз шөһрәт һошур
2012-10-29
Share

Намайиш дәсләптә башланғанда сақчилар қаттиқ қоллуқ қилип, бир түркүм намайишчиларни тутуп кәткән вә сорақ қилған; һәтта бәзилирини қайта намайишқа чиқмаслиқ һәққидики вәдинамигә мәҗбурий қол қойдурған.

Әмма буниңға қаримай, намайиш бесиқмиған вә намайишчиларниң саниму ешип барған. Шәнбә күни кәчтә шәһәр башлиқи намайишчиларниң алдиға чиқип, мәзкур қурулуш пиланидин ваз кәчкәнликини елан қилип, қурулушни давамлаштурмайдиғанлиқи һәққидә вәдә бәргән.

Әмма найишчилар, исқиртип вә варқирап шәһәр башлиқиниң сөзини кәскән вә тутуп кетилгән намайишчиларни қоюп беришни тәләп қилған. Шәһәр башлиқиниң вәдисидин кейинму наразилиқ пәсәймигән.

Намайишчилар, бүгүн йәни дүшәнбә күниму шәһәрлик һөкүмәт алдиған қайта топланған. Фирансийә ахбарат агентлиқиниң зияритини қобул қилған намайишчилардин бири, һөкүмәтниң вәдисигә ишәнмәйдиғанлиқини билдүргән; йәнә бир намайишчи ниңбо шәһәрдики завут пиланиниңла әмәс, башқа шәһәрләрдики муһитни болғайдиған завутларниң иштин тохтитилишини үмид қилидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт