Nobél edebiyat mukapati sahibi mo yén, lyu shyawboning erkinlikke érishishini ümid qildi

Bezi közetküchilerning ilgiri sürüshiche, mo yén bu arqiliq özige qaritilghan tenqidni yumshitishni meqset qilghan. Biraq bu yil 57 yashliq mo yén yene, 1980‏-yilliri lyu shyawboning eserlirini oqughanliqi, lékin lyu shyawboning siyasiy mesililerge yüzlen'gendin kéyin, uning eserlirini chüshinelmey qalghanliqini bildürgen. Lyu shyawbo, 2008-yili asasi qanun nizamnamisi, namliq höjjetke imza qoyush herikiti bashlap, démokratiye we fédératsiye tüzümige köchüshni telep qilghan.

Biraq xitay hökümiti bu heriketni basturup, 2009-yili lyu shawboni 11 yilliq qamaq jazasigha höküm qilghan idi. Mo yén, lyu shyawboning tézrek erkinlikke érishishini ümid qilghan del shu küni, chégrisiz muxbirlar teshkilati, lyu shyawboning ayali lyu shyaning qisqa filimni élan qildi. Léntigha a'ilisige nezerbend qilinip, talagha chiqishi men'i qilin'ghan lyu shyaning, dérizidin talagha qarap tamaka chékiwatqan körünüshi élin'ghan.

Chégrisiz muxbirlar teshkilati élan qilghan bayanatida, “Dérizide turup tamaka chékish lyu shyagha qaldurup qoyulghan bir qanche erkinlikning biri, xalas” dep körsetken.

Mo yén bolsa, lyu shyawboning salamet qoyup bérilip, siyasiy we ijtima'iy sistéma heqqidiki tetqiqatini dawamlashturushini ümid qilghan. Lékin ataqliq sen'etchi ey wéywéy mo yénni tenqidlep, uning xelqni izchil zeherlep kéliwatqan sistéma bilen hemkarliship kéliwatqanliqini ilgiri sürgen.