6 Дөләт нобел мукапати тарқитиш мурасимиға қатнашмайдиғанлиқини билдүрди

Мәркизи ослода турушлуқ нобел комитети һазирғичә 6 дөләтниң хитай язғучи люшавбоға нобел мукапати тарқитиш мурасимиға келишни рәт қилғанлиқини ашкарилиди. Франсийә агентлиқиниң хәвәр қилишичә, мурасимға келишни рәт қилған дөләтләр хитай, русийә, қазақистан, куба, маракәш вә ирақ икән.
Мухбиримиз ирадә
2010-11-18
Share

Игилинишичә, нобел комитети 12 - айниң 6 - күни өткүзүлидиған хитай язғучи люшавбоға нобел мукапати тарқитиш мурасими үчүн 36 дөләтниң ослода турушлуқ әлчисигә дәвәтнамә әвәткән. Буларниң ичидә юқириқи 6 дөләт дәвәтнамини қайтурувәткән. 16 Дөләт болса техи ениқ җаваб бәрмигән.

Хәвәрдә ейтилишичә, бу дипломатлар әслидә мушу айниң 15 - күнигичә ениқ җаваб берип болуши керәк икән, әмма хитай һөкүмити һәрқайси дөләтләрниң әлчиликлиригә нобел мурасимиға қатнашмаслиқ һәққидә бесим ишлитиватқанлиқтин, бәзи дөләтләр нобел комитетидин ойлиниш үчүн бир аз вақит беришни тәләп қилған.

Хитай һөкүмити явропа әллири вә японийә қатарлиқ дөләтләрдин мурасимни байқут қилишни тәләп қилған. Лекин, бу дөләтләр хитайниң тәлипини рәт қилип, мурасимға адәттикидәк қатнишидиғанлиқини билдүргән иди.

Әмма, лю шавбониң түрмидә болуши, аялиниң өйидә нәзәрбәнтә болуши вә униң икки инисиниңму мурасимға қатнишишиға рухсәт қилинмиғанлиқи сәвәблик мукапатниң кимниң люшавбоға вакалитән тапшуруп алидиғанлиқи һазирғичә ениқ әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт