6 Dölet nobél mukapati tarqitish murasimigha qatnashmaydighanliqini bildürdi

Merkizi osloda turushluq nobél komitéti hazirghiche 6 döletning xitay yazghuchi lyushawbogha nobél mukapati tarqitish murasimigha kélishni ret qilghanliqini ashkarilidi. Fransiye agéntliqining xewer qilishiche, murasimgha kélishni ret qilghan döletler xitay, rusiye, qazaqistan, kuba, marakesh we iraq iken.
Muxbirimiz irade
2010.11.18
Share on WhatsApp
Share on WhatsApp

Igilinishiche, nobél komitéti 12 - ayning 6 - küni ötküzülidighan xitay yazghuchi lyushawbogha nobél mukapati tarqitish murasimi üchün 36 döletning osloda turushluq elchisige dewetname ewetken. Bularning ichide yuqiriqi 6 dölet dewetnamini qayturuwetken. 16 Dölet bolsa téxi éniq jawab bermigen.

Xewerde éytilishiche, bu diplomatlar eslide mushu ayning 15 - künigiche éniq jawab bérip bolushi kérek iken, emma xitay hökümiti herqaysi döletlerning elchiliklirige nobél murasimigha qatnashmasliq heqqide bésim ishlitiwatqanliqtin, bezi döletler nobél komitétidin oylinish üchün bir az waqit bérishni telep qilghan.

Xitay hökümiti yawropa elliri we yaponiye qatarliq döletlerdin murasimni bayqut qilishni telep qilghan. Lékin, bu döletler xitayning telipini ret qilip, murasimgha adettikidek qatnishidighanliqini bildürgen idi.

Emma, lyu shawboning türmide bolushi, ayalining öyide nezerbente bolushi we uning ikki inisiningmu murasimgha qatnishishigha ruxset qilinmighanliqi seweblik mukapatning kimning lyushawbogha wakaliten tapshurup alidighanliqi hazirghiche éniq emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet