Нур бәкри: 'шинҗаңниң аманлиқ вәзийити бултурқидинму җидди'

Бейҗиңда хитайниң икки йиғинға қатнишиватқан уйғур аптонум райони рәиси нур бәкри җүмә күни чәтәл мухбирлириниң зияритини қобул қилип " шинҗаңниң аманлиқ вәзийити бултурқидинму җиддий, тоқунушлар техиму күчийиши мумкин" дегән.
Мухбиримиз гүлчеһрә
2009.03.06
Share on WhatsApp
Share on WhatsApp

Әнглийә б б с радио телевизийисиниң җүмә күнидики хәвиридә нур бәкриниң сөзлиридин нәқил алған болуп, нур бәкри " бу йил җуңго қурулғанлиқиниң 60 йиллиқи, бу чоң тәбрикләш пәйтидә чегра ичи вә сиртидики дүшмән күчләр бузғунчилиқ һәрикәтлири елип бериштин баш тартмайду, һөкүмәткә һуҗум қилиш, һәр хил васитиләр билән сиңип кириш, бузғунчилиқ, террорлуқ һәрикәтлирини елип бериши мумкин" дегән.

Б б с ниң хәвиридә уйғур елидики йәрлик хәлқләрниң хитай даирилириниң көп сандики хитай нопусини уйғур елигә йөткишигә вә бу җайдики мусулманларға қаратқан бастурушқа нарази икәнлики вә 2008 - бейҗиң олимпики җәрянида уйғур елидә һөкүмәткә қарши бир қатар һуҗумларниң садир болғанлиқи, шундақла хитай даирилириниң уйғур елидә муқимлиқни күчәйткәнлики вә өткән йили 11 ай җәрянида дөләт бихәтәрликигә тәһдит селиш җинайити билән 1259 адәмни тутқун қилғанлиқи қәйт қилинған.

Бүгүн дуня уйғур қурултийи баянатчиси дилшат ришит нур бәкриниң уйғур елиниң бу йилқи муқимлиқ вәзийити һәққидә ейтқанлириға қарита җиддий инкас қайтуруп хәлқаралиқ мәтбуат органлириға бәргән баянатида " хитай һөкүмитиниң шәрқий түркистанда системилиқ һалда бастурушни күчәйтиши вәзийәтни техиму кәскинләштүрүватиду, 60 йилдин буян уйғурлар хитайниң таңған аталмиш аптономийисини һечқачан қобул қилғини йоқ, нөвәттә хитай даирилириниң шәрқий түркистан вәзийитини җиддий дәп көрситиши,техиму зор бастуруш елип беришқа баһанә изләватқанлиқиниң ипадиси" дәп тәкитлиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.