ئۇيغۇر تىلىنى يوقىتىش شوئارىنى ئوتتۇرىغا قويۇپ مەنسەپكە ئېرىشكەن نۇر بەكرى سۆزىدە، ئۇيغۇر مائارىپىنى خىتاي ئۆلچىمىگە تېز سۈرئەت بىلەن يەتكۈزۈش ئۈچۈن، خىتاي ھۆكۈمىتىنىڭ «تۆتنى ئېتىراپ قىلغۇزۇش»، «ئۈچ ئايرىلالماسلىق»، «نىشانلىق تەربىيىلەش» دېگەن سىياسەتلىرىنى قەتئىي ئىجرا قىلىپ، ئۇيغۇر ئاپتونوم رايونىدىكى ئۇيغۇرچە مائارىپنى 2020-يىلىغىچە پۈتۈنلەي ئۆزگەرتىپ، ئۇنى ھەممە مىللەت ئورتاق بەھرىمەن بولىدىغان دەپ ئاتالغان خىتايچە مائارىپقا ئايلاندۇرۇشنى تەكىتلىگەن.
چەتئەللەردىكى ئۇيغۇر زىيالىيلىرى نۇر بەكرىنىڭ بۇ ئورۇنلاشتۇرۇشىنى، بۇ، ھازىر خىتاي ھۆكۈمىتىنىڭ، ئۇيغۇر ئاپتونوم رايونىدا ئۇيغۇر مىللىي مائارىپىنى پۈتۈنلەي ۋەيران قىلىشقا كىرىشكەنلىكى دەپ قارىماقتا.