Amérikida yazghuchi nurmemet yasin üchün 1 milyon kishilik torda imza toplash pa'aliyiti bashlandi

Amérika qelemkeshler merkizi xitay türmisidiki Uyghur yazghuchi nurmemet yasinni hörlükke érishtürüsh üchün bir milyon kishilik torda imza toplash pa'aliyiti bashlidi.
Muxbirimiz erkin
2009-12-28
Share

Imza toplash pa'aliyiti "köngül bölüsh" namliq torning "erziyet" sehipiside 27 - dékabir bashlan'ghan bolup, ötken bir kün jeryanida jem'iy 20 ge yéqin adem imza qoyghan.

Nurmemet yasin, qeshqer wilayitining maralbéshi nahiyisidin. U, Uyghur élide özining qisqa hékayiliri we bir qisim shé'irliri bilen nam chiqarghan yazghuchi. U "yawa kepter" namliq prozisini élan qilghandin kéyin, xitay bixeterlik da'iriliri teripidin qolgha élin'ghan we 2005 - yili mexpiy sot bilen 10 yilliq qamaq jazasigha höküm qilin'ghan idi.

Nurmemet yasin 2005 - yili qeshqer ottura sotqa erz sun'ghan bolsimu, emma uning erzi ret qilinip maralbéshi nahiyilik sot chiqarghan eslidiki höküm küchke ige qilin'ghan we shu yili mayda nurmemet yasin ürümchige yötkelgen.

"Köngül bölüsh" tor bétide boshan'ghan torda imza toplash pa'aliyiti bilen birge élan qilin'ghan yazma matériyalda Uyghurlarning nöwettiki ehwali we Uyghurlar yoluquwatqan siyasiy bésimlar heqqide melumat bérilgen.

Buningda Uyghurlarning yer ‏ - makanliridin ayrilip qiliwatqanliqi, xitay hökümitining qosh til siyasiti tüpeyli Uyghur tilining tehditke uchrighanliqi, Uyghur qizlirini xitay ölkilirige yötkesh siyasiti we eydiz mesilisi qatarliqlar tonushturulghan.

Bu tor bétide ilgiri qedimiy qeshqerning chéqilishigha qarshi imza toplash pa'aliyitimu élip bérilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet