Da'iriler dewager nurun'gül toxtini aldap ekitilip solap qoydi

Xitayning aqsu uchturpan nahiyisidiki da'iriler, béyjingda dawa qiliwatqan nurun'gül toxtini ötken ayda quruq wede bilen aldap ekétip, aridin bir hepte ötmeyla tutqun qilghan.
Muxbirimiz shöhret hoshur
2012-07-16
Élxet
Pikir
Share
Print

Da'iriler nurun'gülni qayturup ekétishning aldida uninggha téléfon arqiliq idiyiwi xizmet ishlep, uning aldinqi yili uchturpan qamaqxanisida 39 kün heqsiz yatqanliqigha tölem béridighanliqini éytqan we uning banka hésabatigha 20ming yüen pul yollap bérip, uni qaytip kélishke dewet qilghan. Nurun'gül 20 ming yüen neq pul hésabatigha ötkendin kéyin, da'irilerning wedisige ishinip yurtigha qaytip ketken. U yurtigha bérip etisi uchturpan nahiyilik saqchi idarisining saqchiliri uningdin ehwal igiligen. Aridin yene birqanche kün ötkende uni tutup ketken.

Melum bolushiche, u nöwette uchturpan qamaqxanisida tutup turulmaqta. Nurun'gül toxtining esli erzi u dalyendiki chéghida 8 yashliq oghlini bulap ketken xitay qaraqchi üstidin idi. Nurun'gül dawa jeryanida xitayning merkizi intizam tekshürüsh komitéti qatarliq orunlirida köp qétim xitay saqchiliri bilen jangjallashqan. U bu sewebtin aldinqi yili béyjingdin tutup kétilip uchturpan qamaqxanigha 39 kün qamap qoyulghan. Nurun'gül qamaqxanidin chiqipla erzini dawamlashturghan. Bultur da'iriler uning éghizini bésiqturush üchün yéziliq siyasiy komitétigha ishqa orunlashturghan؛ lékin xizmet dawamidiki heqsizliqlargha qarap turalmighan nurun'gül mezkur xizmitidin istépa bergen.

Toluq bet