Обама келәр сәйшәнбә күни афғанистан истратегийисини җакарлайду

Ақсарайниң баянатчиси бүгүн, америка президенти обама өзиниң афғанистан истратегийисини келәр сәйшәнбә күни нйорйоктики вәст понит һәрбий мәктипидә елан қилиду, дәп җакарлиди.
Мухбиримиз вәли
2009-11-25
Share

Америка авазиниң баян қилишичә, обама еһтимал нато қисимлириниң афғанистандики қомандани оттуриға қойған 40 миң әскәр көпәйтиш тәклипини қоллап, афғанистанға йәнә 30 миңдин 35 миңғичә болған даиридә әскәр әвәтиши мумкин. Обама һазирму өзиниң мәслиһәтчилири билән бу пиланни музакирә қиливатиду.

Б б с ниң баян қилишичә, обама һазир афғанистанда сәккиз йилдин буян давамлишиватқан уруш малиманчилиқини ахирлаштуруш үчүн, өзиниң афғанистан истратегийисини 12 ‏- айниң 1 ‏- күни елан қилмақчи болуватиду.

У, һиндистан баш министири манмохан билән вашингтонда түнүгүн ачқан ахбарат йиғинида, әл - қаидичиләр вә униң иттитипақдашлирини афғанистанда һәрикәт қилалмайдиған қилип, афғанистанни өзиниң бихәтәрликигә өзи капаләтлик қилалайдиған һалға кәлтүрүш -- америкиниң мәнпәәтигә уйғун, дәп җакарлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт