Президент барак обама америка иқтисадиниң қайта яхшилиниватқанлиқини билдүрди

Америка һөкүмитиниң нөвәттики асаслиқ вәзиписиниң америка иқтисадини яхшилап, уни қайтидин гүллиниш йолиға киргүзүш болуватқан һәмдә бу йолда көп тиришчанлиқлар көрситиливатқан бир пәйттә президент обама америка иқтисадиниң яхшилинишқа башлиғанлиқини билдүрди.
Мухбиримиз үмидвар
2009.09.20

Америка авазиниң хәвәр қилишичә, президент обаманиң телевизийә арқилиқ тарқитилған нуқтида иқтисадниң яхшилинишқа қарап йүзләнгәнлики, пул - муамилә базириниңму қайтидин яхшилинишқа башланғанлиқи, һазирқи асаслиқ вәзипиниң ишсизлиқни түгитип, қайтидин ишқа орунлишиш пурсәтлирини әслигә кәлтүрүш икәнлики тәкитләнгән. Бирақ, обама ишсизлиқ мәсилисиниң вақитлиқ яхшиланмайдиғанлиқи, бәлки буниңдин кейинки бир қанчә ай ичидә давамлиқ яман әһвал давамлишидиғанлиқини әскәрткән.

Америка иқтисадида яхшилиниш башланғанлиқи һәққидики пәрәзләр йеқинда оттуриға қоюлушқа башлиған иди. Обама, нөвәттә саламәтлик суғурта ислаһатини оттуриға қойған болуп, униң һәммә пуқрани саламәтлик суғуртиси билән тәминләш пилани кәскин қаршилиқларға дуч кәлмәктә иди. 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.