Обама: 'ирақтики америка қошуни келәр йили чекинип чиқиду'

Лекин обама, сани 35 миңдин 50 миңғичә болған арилиқтики америка қошунлириниң ирақ земинида үзлүксиз қелип, ирақ армийисини тәрбийиләшкә қатнишидиғанлиқини, 2011 ‏ - йили ирақтики америка қошунлириниң пүтүнләй чекинип болидиғанлиқини билдүрди.

Президент обама ирақтин чекингән америка қошунлириниң бир қисмини афғанистанға әвәтиши мумкин. У илгири афғанистандики америка қошунлириниң санини көпәйтип, йәнә17 миң әскәр әвәтидиғанлиқини җакарлиған иди. Обама сайлам җәрянида ирақтин қошун чекиндүрүшкә вәдә қилип, тәхткә чиқса ирақтики америка қошунлирини 16 ай ичидә чекиндүрүп чиқидиғанлиқини билдүргән. У, алдинқи күни америка дөләт мәҗлисидә сөзлигән нутқида қошун чекиндүрүдиғанлиқини йәнә бир қетим тәкитлигән иди. У җүмә күни елан қилған бу һәқтики баянатида ирақтики тәрәққиятни махтиған болсиму, лекин йәнә агаһландуруп, " алдимизда йәнә қийин күнләргә дуч келишимиз мумкин," дәп көрсәтти.

Җүмә күнки баянатида америкиниң қәсти"ирақниң туприқи вә байлиқида әмәс", дәп тәкитлигән обама "силәрниң земин пүтүнликиңлар вә дөлитиңлар үчүн төлигән ғайәт зор бәдилиңларни һөрмәт қилимиз," дәйду. Лекин америка дөләт мәҗлисидики демократлар обаманиң қошун чекиндүрүш пиланиға бәзи пикирләрдә болмақта. Улар қошун чекиндүргәндин кейин давамлиқ ирақта қалидиған америка қошунлириниң сани бәк көп болуп кәткәнликини илгири сүргән.