ئامېرىكا ئاۋازىنىڭ خەۋەر قىلىشىچە، بۇ سۆزنى ئامېرىكا دۆلەت بىخەتەرلىك كومىتېتىنىڭ ئاسىيا - تىنچ ئوكيان رايونى ئىشلىرىغا مەسئۇل ئەمەلدارى دەنني رۇسسېل ئېيتقان بولۇپ،ئۇ كىشىلىك ھوقۇق مەسىلىسىنىڭ بۇ قېتىمقى كۈن تەرتىپتىكى مۇھىم نۇقتىلارنىڭ بىر قىسىمى ئىكەنلىكى ئەسكەرتكەن.
لېكىن، كۆزەتكۈچىلەر شى جىنپىڭنىڭ 13 - فېۋرال كۈنىدىكى زىيارىتىدە ئامېرىكا - خىتاي ئىقتىسادىي ۋە رايون خاراكتېرلىك بىخەتەرلىك مەسىلىلىرىنىڭ يەنىلا مۇھىم نۇقتىلار بولىدىغانلىقىنى پەرەز قىلماقتا.
بۇنىڭدىن ئىلگىرى ئامېرىكا دۆلەت مەجلىسىنىڭ بەش نەپەر ئەزاسى ئوباماغا خەت يېزىپ، شى جىنپىڭ بىلەن كۆرۈشكەندە ئوتتۇرىغا قويىدىغان ھازىر تۈرمىدە يېتىۋاتقان 6 نەپەر كىشىلىك ھوقۇق ۋە دىنىي پائالىيەتچىسىنىڭ تىزىملىكىنى بەرگەن. بۇلارنىڭ ئىچىدە قەشقەردە تۈرمىگە تاشلانغان ئۇيغۇر خرىستىيان دىنىي پائالىيەتچىسى ئالىمجان ھىمىت ئەپەندىمۇ بار.