Америка президенти барак обама мусулманларниң һейтини тәбриклиди

Америка президенти барак обама рози һейт мунасивити билән тәбрик баяннамиси елан қилди. Обама баяннамисида "мән вә ханимим мишәл, америкидики вә шундақла дуняниң һәрқайси җайлирида яшаватқан барлиқ мусулманларниң һейтини тәбрикләймиз" деди.
Мухбиримиз ирадә
2010-09-09
Share

У мусулманларниң рамизан ейиниң хәйр - сахавәт, вә өз - ара кәң қосақ болушни тәшәббус қилидиған бир ай икәнликини, бу қиммәтләрниң һәммә динларға ортақ икәнликини билдүрди.

Америка президенти барак обама сөзидә бу қетимлиқ рози һейт арқилиқ, динлар ара чүшиниш һасил қилип, өз - ара йол қоюшни, ислам билән бирликтә һәммә динларниң америка мәдәнийитидә муһим рол ойнайдиғанлиқини тонуп йетиш керәкликини тәкитлиди.

Америка президенти барак обама баяннамисиниң ахирида хәлқни байрамда еғир кәлкүн апитигә учриған пакистанни унтуп қалмаслиққа чақирди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт