Obama xitay shirkitining amérika shamal énérgiye meydanini sétiwélish toxtamini bikar qildi

28 - Séntebir amérika prézidénti obama bir xitay shirkitining amérika origon shtatigha jaylashqan shamal énérgiye meydanini ötküzüwélishigha qarshi chiqip, sétiwélish toxtamini bikar qilghan.
Muxbirimiz jüme
2012-09-29
Share


Melum bolushiche, origon shtatigha jaylashqan bu töt chong shamal énérgiye meydani amérikining bo'ardmandiki déngiz armiye qoral sistémisini sinaq qilish bazisigha yéqin jaylashqan iken.

Mezkur bazida amérikining yuqiri téxnikiliq uchquchisiz ayropilanliri sinaq qilinidighan bolup, da'iriler bir xitay shirkitining amérika bazisigha yéqin jaygha orunlishishini yaqturmighan.

Xitayning "Ralls" guruhi bu yilning béshida origon shtati bo'ardman rayonigha jaylashqan yuqiriqi shamal énérgiye meydanini sétiwalghan idi.

Amérika maliye ministirliqining bildürüshiche, amérika chet'el mebleghlirini bashqurush komitéti döletlik istixbarat ishxanisi mudirining teklipige bina'en mezkur toxtam amérikining dölet xewpsizlikige tughduridighan xewpini otturigha qoyup mesilini obamaning aldigha qoyghan iken.

Netijide obama xitay shirkiti bilen amérika shirkiti otturisidiki toxtamgha ariliship xitayni mezkur sodidin waz kéchishke mejbur qilghan.

Bu ötken 22 yildin buyan bir amérika prézidéntining chet'el shirketlirining amérikidiki soda toxtamini tosup qoyushi bolup hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet