Obama b d t yighinida térrorchilar dunyaning hemme yérige tarqilip heriket qiliwatidu, dep körsetti

Birleshme agéntliqining bayan qilishiche, amérika prézidénti obama bügün b d t ning chong yighinidiki nutqida ' térrorchilar hazir dunyaning hemme yérige tarqilip heriket qiliwatidu, amérika dunyaning hemme ishigha chat kiriwaldi, dep qarshi turup kéliwatqanlar emdi yene, hemme ishni amérika hel qilidu, dep qarap turmasliqi lazim ' dep körsetti.
Muxbirimiz weli
2009-09-23
Share

Xewerde éytilishiche, b d t ning chong yighini échilish harpisida (22 ‏- séntebir küni) obama bilen xujintaw nyuyorktiki méhmanxanida körüshüp, amérika bilen xitay otturisida janliq we ünümlük munasiwet ornitishqa, erkin sodini yolgha qoyushqa we sezgür mesililerni hel qilishqa kélishkende, obama, shimali koriye bilen iranning yadro qorallirini tereqqi qildurush pilani amérikigha qilin'ghan tehdit ikenlikini, bu mesilini xitay meydan'gha chiqip hel qilishi lazimliqini tekitligen idi.

Sin'gaporda chiqidighan birleshme seher gézitining bayan qilishiche, xujintaw bilen obama tünügün körüshkende, teywen mesilisi we tibetke, shinjanggha chétilidighan mesililer üstidimu ochuq sözleshken. Chünki, buningdin burun, xitay da'iriliri amérikidin, teywen'ge qoral bermeslikni, Uyghurlarning, tibetlerning amérika tupriqida musteqilliq herikiti élip bérishigha yol qoymasliqni telep qilip, bu bir milyart 300 milyon xitayning hésyatigha biwaste taqilidighan sezgür mesile, dep tekitlep kéliwatatqan bolsimu, emma hazir dalay lama yene amérikini ziyaret qilishqa bashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet