Obama xitayning pul qimmiti mesiliside toxtaldi
Muxbirimiz irade
2010.09.20
2010.09.20
Fransiye agéntliqining xewer qilishiche, barak obama xitayning hazir ilgirikige qarighanda béyighanliqini we éksport miqdarining téximu ashqanliqini bildürüp, xitayning pul qimmitini emeliyetke asasen tengshishi kéreklikini tekitligen.
U, xitayning her qétim éghizida "maqul" dep, buni emeliyette körsetmeydighan pozitsiyisini özgertishi we ikki dölet arisidiki sodida choqum adilliq bolushi kéreklikini éytqan.
Obama bu sözlerni, xitay bash ministiri wén jyabaw amérikidiki dölet ziyaritini bashlashtin ilgiri otturigha qoydi. U yene, amérikining bundin kéyin soda qanunini téximu aktip ijra qilidighanliqini, amérikiliq karxanichilarning menpe'etini qoghdash üchün, xitaygha bu jehettiki bésimni ashuridighanliqini tekitligen.