Барак обама хитайдин пул қиммитини тәңшәшни тәләп қилди

Америка президенти барак обама бүгүн бирләшкән дөләтләр тәшкилатиниң омумий йиғиниға кәлгән хитай баш министири вен җябав билән учрашқан. Учришишта барак обама хитайниң пул қиммитини өзгәртишни қайта тәләп қилған.
Мухбиримиз ирадә
2010-09-23
Share

Б б с ниң хәвәр қилишичә, икки тәрәпниң учришишида америка вә хитай арисидики сода вә пул қиммити мәсилиси сөһбәттики әң муһим тема бопқалған. Барак обама вен җябавға хитайниң пул қиммити сияситидә қисқа муддәт ичидә өзгәртиш елип бериши керәкликини, икки тәрәп иқтисадий мунасивәтлириниң дуня иқтисадий үчүн интайин муһимлиқини, әмма униңда техи нурғун бошлуқларниң барлиқини ейтқан.

Йеқиндин буян мәйли хитайниң пул қиммити мәсилиси болсун, мәйли иран вә шималий корийиниң ядро мәсилиси, мәйли җәнубий җуңго деңизиниң тәвәлик мәсилисидә болсун америка билән хитай арисида тохтимай ихтилап пәйда болмақта.

Хитай даирилири, әгәр америка бесим ишләткән тәқдирдә буниң әкс тәсир пәйда қилидиғанлиқини билдүргән болсиму, ақ сарай 20 - чесладики баянатида америкиниң иранниң ядро мәсилиси вә хитайниң пул қиммити мәсилисидә хитайға қаратқан бесимни ашуридиғанлиқини елан қилди.

Бирләшмә агентлиқиниң хәвәр қилишичә, америка дөләт мәҗлиси җүмә күни хитайға қарита бесимни ашуридиған вә уни пул қиммитини қайта тәңшәшкә мәҗбурлайдиған бир йеңи қанун лайиһисини авазға қойидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт