Barak obama xitaydin pul qimmitini tengsheshni telep qildi

Amérika prézidénti barak obama bügün birleshken döletler teshkilatining omumiy yighinigha kelgen xitay bash ministiri wén jyabaw bilen uchrashqan. Uchrishishta barak obama xitayning pul qimmitini özgertishni qayta telep qilghan.
Muxbirimiz irade
2010-09-23
Share

B b s ning xewer qilishiche, ikki terepning uchrishishida amérika we xitay arisidiki soda we pul qimmiti mesilisi söhbettiki eng muhim téma bopqalghan. Barak obama wén jyabawgha xitayning pul qimmiti siyasitide qisqa muddet ichide özgertish élip bérishi kéreklikini, ikki terep iqtisadiy munasiwetlirining dunya iqtisadiy üchün intayin muhimliqini, emma uningda téxi nurghun boshluqlarning barliqini éytqan.

Yéqindin buyan meyli xitayning pul qimmiti mesilisi bolsun, meyli iran we shimaliy koriyining yadro mesilisi, meyli jenubiy junggo déngizining tewelik mesiliside bolsun amérika bilen xitay arisida toxtimay ixtilap peyda bolmaqta.

Xitay da'iriliri, eger amérika bésim ishletken teqdirde buning eks tesir peyda qilidighanliqini bildürgen bolsimu, aq saray 20 - chésladiki bayanatida amérikining iranning yadro mesilisi we xitayning pul qimmiti mesiliside xitaygha qaratqan bésimni ashuridighanliqini élan qildi.

Birleshme agéntliqining xewer qilishiche, amérika dölet mejlisi jüme küni xitaygha qarita bésimni ashuridighan we uni pul qimmitini qayta tengsheshke mejburlaydighan bir yéngi qanun layihisini awazgha qoyidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet