Obama xitayni xelq pulining almashturush qimmiti mesiliside bergen wediside turushqa chaqirdi

Fransiye agéntliqining neqil qilishiche, obama mundaq dédi: "men ularning özliri jakarlighan siyasetke jiddiy mu'amile qilishini ümid qilimen."

20 Dölet aliy derijilikler uchrishishi bashlinishtin bir nechche kün ilgiri xitay merkiziy bankisi xitay pulining almashturush qimmitini mu'eyyen derijide östürüdighanliqini jakarlighan idi.

Mutexessislerning qarishiche, xitay hökümiti xelq pulining almashturush qimmitini qesten töwen tutush arqiliq xelq'arada adaletsiz bazar riqabiti yaratqan we xitay mallirining éksport miqdarini ashurghan. Shu sewebidin amérika -xitay soda alaqisida amérika terepte nechche yüz milyard dollar qizil reqem körünüp kelmekte idi.

Obama amérikigha mal éksport qilidighan döletlerge qaritip mundaq dédi: "dunyadiki héchqandaq bir dölet öz dölitining güllinish yolini amérikigha mal éksport qilish arqiliq yasaymiz dep xiyal qilmasliqi kérek. Men shuni roshen otturigha qoydumki, biz xizmet, sana'et we kelgüsi bazarlirimiz üchün qattiq riqabetlishimiz."

Obama yene, dunya iqtisadining eslige kélishi almashturush qimmiti bazar arqiliq tengshilidighan pulning bolushini shert qilidighanliqini ilgiri sürdi.

Halbuki xitay da'iriliri "xelq pulining almashturush qimmitini östürüsh dunya iqtisadini eslige keltürüshte köp rol oynimaydu" dégen meydanida ching turup kelmekte.