Xu jintaw bilen obama körüshkende Uyghur mesilisi otturigha qoyuldi

Amérika prézidénti obama bilen xitay dölet re'isi xu jintaw charshenbe küni nyu yorktiki b d t yighini ariliqida körüshüp, teywen, tibet we Uyghur élining weziyitini sözleshken.
Muxbirimiz erkin
2009.09.24

Xu jintaw obamaning xitay - amérika arisidiki nazuk mesililerni muwapiq bir terep qilishini otturigha qoyup, amérika terepning xitayni chüshinishini telep qilghan.

Xewerlerge qarighanda xu jintaw Uyghur élining weziyitini tonushturghanda amérika terepning xitay döletning birlikini qoghdash üchün qollan'ghan tedbirlirini chüshinishini, sherqiy türkistan teshkilatlirining amérikida xitaygha qarshi pa'aliyet élip bérishigha yol qoymasliqni telep qilghan.

Xewerlerde yene xu jintawning teywen, tibet we shinjang mesilisi jonggoning igilik hoquqi we zémin pütünlikige munasiwetlik mesile, bu bir milyard 300 milyon xitay xelqining milli héssiyatigha chétilidu, dégenlikini yazdi. Lékin, obama amérikining yuqiriqi mesililerdiki izchil meydanini tekitligen shundaqla özining 11 ‏- ayda xitayni ziyaret qilishni kütüwatqanliqini bildürgen.

Amérika emeldarlirining ashkarilishiche, terepler bu qétimqi uchrishishida merkezlik iran, shimaliy koriye we yer shari hem rayon xaraktérlik mesililerni muzakire qilghan.

Analizchilarning eskertishiche, bu amérika prézidéntining xitay rehbiri bilen Uyghur mesilisini b d t künlüki astida tunji qétim muzakire qilishi bolup hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.