Örkeshning xitay elchixanisigha özini melum qilish urunushi yene jawabsiz qalduruldi

Örkesh dölet jüme küni amérika paytexti washin'gtondiki xitay elchixanisigha teslim bolup kirishke urun'ghan. Emma shu chaghda xitay elchixanisi him taqalghan bolup, elchixana xadimliri uning urghan téléfonliri we ishik chékishlirige jawab bermidi.

Fransiye agéntliqida neqil qilishiche, örkesh mundaq dédi: belkim men xitay tupriqigha shunchilik yéqinlishalaydighan oxshaymen. Öyge qaytishni xalisam yene némilerni qélishim kérek? hazir bu xizmet waqtighu? téléfon qildim, ishiklerni chektim, emma héchkim chiqmidi.

Örkeshni qollap xitay elchixanisigha barghan xitay pa'aliyetchi yang jenli : xitay hökümiti tyen'enmén weqesini kishilerning kallisidin öchürüwétish üchün qolidin kélidighan hemme ishni qilmaqta, dédi.

1989 - Yili xitaydiki aliy mektep oqughuchiliri namayish qilip, xitaydin tüzüm özgertishni telep qilghan. Halbuki xitay hökümiti oqughuchilarning teleplirige jawab qayturushning ornigha oqughuchilarni qanliq basturghan.

Kéyin xitay da'iriliri örkesh dölet qatarliq bir nechche kishi üstidin tutush buyruqi chiqarghan. Örkesh dölet 2010 - yili 4 - iyun xitayning tokyodiki elchixanisigha basturup kirmekchi bolghan bolsimu, netije qazinalmighan idi.