Өркәш дөләт ата - анисини көрүш арзусидин ваз кәчмәйдиғанлиқини билдүрди

1989 ‏- Йилидики хитай оқуғучилар һәрикитиниң йетәкчилиридин бири болған өркәш дөләт, түнүгүн б б с мухбириниң зияритини қобул қилип өзиниң хитайға берип ата‏ - анисини көрүш пиланидин ваз кәчмәйдиғанлиқини билдүргән.
Мухбиримиз шоһрәт һошур
2010.06.08
Share on WhatsApp
Share on WhatsApp

У 4 ‏- июн күни токйодики хитай әлчиханиси алдидики намайиш җәрянида, хитай консулханиси ичигә бөсүп киришкә урунғанлиқи үчүн нәқ мәйданда японийә сақчилири тәрипидин тутқун қилинған вә арқидин қоюветилгән.

У хитайға бериш сәпириниң мәқситини, алди билән 21 йилдин бери көрүшәлмигән ата - анисини көрүш, андин бир өктичи болуш сүпити билән хитай һөкүмити билән мәсилиләр үстидә сөзлишиш дәп билдүргән. У, бу хил сөзлишишниң нормал сөһбәт үстилидә болмисиму, түрмидә яки сот мәйданида давам қилидиғанлиқини билдүргән. У хитайға кетишниң йәнә башқа йоллириниму ойлишип қойғанлиқини, әмма буни һазирчә ашкарилимайдиғанлиқини билдүргән.

Әмма, көп еһтималлиқта, униң хитайниң шәрқий җәнуби асия чегрилиридин йошурун һалда кирип, сақчиға өзини мәлум қилиш вә бу җәрянни ахбарат вастилири арқилиқ дуняға ашкарилашни ойлишиватқанлиқи пәрәз қилинмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.