Осама бен ладинниң аваз лентисида америка агаһландурулди

Америка авазиниң бу һәқтики хәвиридә көрситилишичә, лентидики осама бин ладен сөзидә америкини агаһландуруп, әгәр давамлиқ исраилийини қоллиса, униң техиму илгирилигән һалда һуҗумға учрайдиғанлиқи агаһландурулған.

Хәвәрдә ейтилишичә, мәзкур үн алғу лентисида бу сөзләрниң "осамадин обамаға йәткүзүлидиғанлиқи" ейтилған.

Америка ақ сарай баянатчиси йәкшәнбә күни мәзкур үн алғу лентиси һәққидә инкас қайтуруп, америкиниң мәзкур үн алғу лентисиниң раст  - ялғанлиқини дәрһал ениқлашқа амалсиз икәнлики, әмма, үн алғу лентисидики авазларниң осама бин ладинниң илгирики үн алғу лентисидики авазларға охшайдиғанлиқини билдүргән.

Исраилийә ташқи ишлар баянатчиси ун алғу лентисидики бу сөзләрниң һечқандақ йеңилиқи йоқлуқини тәкитлигән.
 
Бир ай илгирики рождество байрими мәзгилидә омәр фарух абдумутәллипниң амситердамдин америка айропиланиға олтуруп учуп, америкиниң детройт шәһиридә қонушниң алдида айропиланни партлитишқа урунуши сезилип, қолға чүшкәндин кейин, униң йәмәндә тәрбийә көргәнлики вә әл - қаидә билән бағлинишлиқ икәнлики ениқланған, шуниңдин кейин америка вә ғәрб әллири терроризмдин мудапиә көрүш тәдбирлирини техиму күчәйткән иди.