Osh weqesining ikki yilliqi xatirilendi

Qirghizistanning osh shehiride yekshenbe küni qirghiz we özbek hem bashqa millet jama'iti 2010 - yilidiki osh qirghinchiliqining ikki yilliqini xatirilidi.
Muxbirimiz ümidwar
2012-06-10
Élxet
Pikir
Share
Print


Perghane torining yézishiche, xatirilesh pa'aliyitige qirghizistan prézidénti almasbek atambayéw qatarliq yuqiri derijilik dölet rehbeliri kélip qatnashqan hemde "Ana köz yéshi" dep atalghan osh weqesining xatire munari aldigha bérip, weqede ölgenlerge teziye bildürgen.

Buningdin ikki yil ilgiri, yeni 2010 - yili, 10 - 13 - - iyun künliri qirghizistanning jenubidiki osh we jalal abad sheherliride qirghizlar bilen özbékler arisida qanliq étnik toqunush kélip chiqqan idi, bolupmu osh shehiridiki toqunush eng éghir bolup, hökümet terep bu weqede 400 din artuq ademning ölgenlikini bildürsimu, lékin gheyri resmi menbeler 1000 din artuq ademning hayatidin ayrilghanliqini xatirilimekte. Osh qirghinchiliqi tüpeylidin 100 mingdin artuq özbék qoshna özbékistan'gha qéchip ketken bolsimu, biraq ular kéyin bir - birlep qayturulghan idi.

Toluq bet